भारतमा रेलसेवा पुनः सञ्चालनमा

• वैशाख २९, २०७७ | ६१० पटक पढिएको |

लकडाउनका कारण अन्य राज्यमा फसेका श्रमिकको उद्धारका लागि भारतमा रेलसेवा सुरु हुँदैछ । रेलवेको नयाँ आदेशअनुसार अब मंगलबारबाट फेरि  स्पेशल ट्रेन सुरु हुनेछ । अब यसमा १७ सय यात्रु अर्थात् ट्रेनमा जति सिट हुन्छ, त्यति नै यात्रु बस्न पाउनेछन् । 

सुरुवातमा १५ वटा रेलगाडी सञ्चालन मात्रै सञ्चालन गरिनेछ, जो गन्तव्यमा पुगेर फर्कनेछन् । यो ट्रेन अब तीन स्टेशनमा रोकिनेछ । 

यसअघि पनि केन्द्र सरकारले सबै राज्यसँग अपिल गर्दै बीचबाटोमै फसेका श्रमिकका लागि विशेष रेलगाडी सञ्चालन गर्न अनुमति दिएको थियो । प्रवासी मजदूरहरुले कोरोना भाइरस महामारीका कारण लकडाउनका दौरान खतरा मोलेर लामो यात्रा गरिरहेका छन् । 

रेल मन्त्रालयका अनुसार यसअघि १ मेईदेखि श्रमिकको उद्धारका लागि सुरु भएको कार्यक्रमअनुसार ३ सय ६६ वटा श्रमिक स्पेशल ट्रेन सञ्चालन गरिएको थियो र 

झन्डै ४ लाख प्रवासीहरुले घर जान यस्ता रेल प्रयोग गरे । 

संसारमा कोरोना भाइरस संक्रमणबाट मृत्यु हुनेको संख्या बढेर ४० लाख ८१ हजार भन्दा धेरै पुगिसकेको छ । भारतमा ६७ हजारभन्दा धेरै संक्रमित भइसकेका छन् ।