सिरहा बजारबाट मिसावट गरी चियापत्ति बेच्ने व्यपारी पक्राउ "२०७७ वैशाख २२ गते"

• वैशाख २२, २०७७ | ८,०२२ पटक पढिएको |

विशेष सूचनाको आधारमा लकडाउनको अवस्थामा सिरहा नगरपालिका–१ मा रहेको रवि जेनरल स्टोर्स ९न्यू पवन इम्पोरियम० बाट प्रहरी टोलीले छापा मारेर विभिन्न ब्राण्डका मिसावट गरिएको चियापत्ति बरामद गरेको छ ।

मिसावट गरिएको चियापत्तिसँगै संचालक प्रमोद जैनलाई इन्सपेक्टर रोहित फुयालको कमाण्डमा गएको प्रहरी टोलीले पक्राउ गरेको जिल्ला प्रहरी कार्यालय सिरहाका डिएसपी विनोद घिमिरेले बताए ।

‘खुल्ला गरिएको चियापत्तिको नमूना लिई परिक्षणका लागि पठाएका छौं,’डिएसपी घिमिरेले भने,‘पक्राउ गरिएका व्यक्ति र बरामद भएको चियापत्ति उद्योग बाणिज्य संघका अध्यक्ष प्रमोद पौद्दारको जिम्मा लगाएका छौं ।’ गुनासो मात्र आएको र लिखित जाहेरी नआएको हुँदा तत्काल दैनिक उपस्थित हुने शर्तमा व्यक्तिलाई छाडिएको उनले जनाए ।

परिक्षणको परिणाम आएपछि थप कारवाही प्रक्रिया अगाडि बढाउने उनको भनाई छ । सोक्तिम कम्पनीको चियापत्तिसँगै विभिन्न ब्राण्डका चियापत्तिको प्याकेट फुटाई मिसावट गरी खुल्ला चियापत्ति भन्दै बिक्रि गर्दै आएका थिए । रवि जेनरल स्टोर्सका संचालक जैनले दैनिक रुपमा उपभोग हुने विभिन्न खाध्यबस्तुको डिलर लिई थोक बिक्रेताको रुपमा चिनिएका छन् ।