प्रदेश सभाका ५ जना मर्यादापालकमा कोरोना पुष्टि, " प्रदेशसभा बैठक अनिश्चित समय सम्मको लागि स्थगित"

• जेठ २२, २०७७ | २३४ पटक पढिएको | सीमा संदेश

सिरहा । कोरोना परीक्षणमा प्रदेश २ को प्रदेशसभाका ५ जना मर्यादापालक कर्मचारीमा कोरोना संक्रमण पुष्टि भएको छ । योसँगै बिहीबार प्रदेश २ मा १०२ जनामा कोरोना पुष्टि भएको छ ।

प्रदेशसभाका सांसद, कर्मचारी र सुरक्षाकर्मीको काठमाडौंको राष्ट्रिय जनस्वास्थ्य प्रयोगशालामा परीक्षणका क्रममा कोरोना संक्रमण पुष्टि भएको हो ।

उनीहरु नेपाल प्रहरीका कर्मचारी रहेका धनुषाका प्रमुख जिल्ला अधिकारी कोषहरि निरौलाले जानकारी दिए । संक्रमित पाँचै जनालाई आइसोलेसनमा राखिएको प्रजिअ निरौलाले बताए ।

चौथो अधिवेशन अह्वान गर्नु अघि प्रदेशसभाका सभामुख, उपसभामुख, सबै सांसद, कर्माचारी र सुरक्षाकर्मीको पीसीअार परिक्षण गरिएको छ । सांसद र कर्मचारीहरुको पीसीअार रिपोर्ट मंगलबारसम्म अाएको थियो । उनीहरु सबैको रिपोर्ट निगेटिभ अाएपछि बुधबार प्रदेशसभम बैठक सुरु भएको थियो । तर बिहीबार अाएको रिपोर्टमा पाँचजना सुरक्षाकर्मी र मर्यादापालकमा कोरोना देखिएपछि निर्धारित बैठक स्थगित भएको जनाको छ ।

प्रदेशसभाका मर्यादापालकमा कोरोना संक्रमण पुष्टि भएपछि प्रदेशसभा बैठक अनिश्चित समय सम्मको लागि स्थगित  भएको छ ।