सिरहा नगरपालिकामा थप २ दिन बिद्यालय बन्द

• माघ १७, २०७७ | १,३०४ पटक पढिएको | सीमा संदेश

सिरहा । बाक्लो हुस्सु र शीतलहरको कारण तराई मधेशमा जाडो बढेपछि सिरहा नगरपालिकाले थप दुई दिन माघ १९ गते सम्मका लागि बिद्यालय बन्द गर्ने निर्णय गरेको छ । 

पुसको अन्तिम सातादेखि शुरु भएको लगातारको शीतलहरका कारण विधार्थीलाई विद्यालय जान आउन समस्या हुन थालेपछि नगरभित्रका सबै सामुदायिक तथा संस्थागत विद्यालय यही माघ १८ देखि १९ गते सम्मका लागि बन्द गर्ने निर्णय गरिएको श्री चन्द्र नमूना माध्यमिक विद्यालय, सिरहाको प्रअ मधु सुदन कर्णले जानकारी दिनु भयो ।

सिरहा नगरपालिक यस अघि माघ १४ देखि १६ गते सम्मका लागि विद्यालय बन्द गरेको थियो ।