कुशासन र भ्रष्टाचार विरुद्ध सिरहा नपामा नेपाली कांग्रेसद्धारा आन्दोलनको घोषणा

• फागुन ७, २०७७ | ९२९ पटक पढिएको | सीमा संदेश

सिरहा । सिरहा नगरपालिकाको कुशासन र भ्रष्टाचार विरुद्ध एका प्रेस विज्ञेप्ती जारी गरी नेपाली कांग्रेस नगर कार्य समिति, सिरहाले आन्दोलनका कार्यक्रम घोषणा गरेको छ । सुशासनको मुलमन्त्र जवाफदेहिता र पारर्दिशिता रहेको सर्वविदितै रहेको भन्दै नागरिकले जुन सुकै निकायबाट सुचान प्राप्त गर्ने अधिकार संविधानमा रहेपनि सिरहा नगरपालिकाले पारर्दिशि सूचना दिन नचाहेको आरोप लगाएका छन ।

नेपाली कांग्रेसबाट निर्वाचित जनप्रतिनिधि र नगर कार्य समितिले नगरपालिकाको काम कारवाहीको बारेमा पटक- पटक मिति २०७७।०२।२२, २०७७।०५।२३, २०७७।१०।०४ र २०७७।१०।२३ गतेमा मांगहरु तथा ज्ञापन पत्र प्रस्तुत गर्दा पनि भ्रष्टाचारको नियतले सुशासनको मुल मन्त्र विपरीत गैर जिम्मेवार पूर्वक सूचना लुकाउने काम गर्ने गरेको विज्ञप्तीमा उल्लेख गरिएको छ ।

सिरहा नगरपालिकाले हाल सम्म चालू आ.व.को नगर परिषद पारदर्शि नगरेको भन्दै १४ बुंदे मागसहित ६ दिनको पर्चा पम्पलेट वितरण र धारणाका कार्यक्रमहरु सार्वजनिक गरको छ ।

यता विज्ञप्ती विषयमा सिरहा नगरपालिकाको प्रमुख प्रशासकीय अधिकृत बलिराम यादबले नेपाली कांग्रेस नगर कर्य समितिको आरोप निराधार रहेको बताएको छ । मागमा रहेका विभिन्न बुँदाका कार्य संचालनमा रहेको र कुनै पनि भुक्तानी भई नसकेकोले आरोप स्वत रुपमा निराधार रहेको छ । रिसवी भन्दा सत्य तथ्यलाई बुझि मात्र यस्ता आरोप लगाउन समितिलाई अनुरोध गर्नु भयो । नगरपालिकामा नेपाली कांग्रेसका जनप्रतिनिधिहरुका सहमतिमा नगर परिषद र विभिन्न कार्यक्रम संचालन भएकोले यस विज्ञेप्तीमा कुनै सत्यता नरहेको यादबले बताउनु भयो ।