श्री चन्द्र नमूना माध्यमिक विद्यालय सिरहामा ८६ जना छात्रालाई साईकल वितरण

• असोज १३, २०७८ | ९२६ पटक पढिएको | बैधनाथ कुमार यादब

सिरहा । प्रदेश नं. २ को मुख्यमन्त्री "वेटी पढाउ, वेटी बचाउ" कार्याक्रम अन्तर्गत सिरहा नगरपालिकाद्धारा श्री चन्द्र नमूना माध्यमिक विद्यालय सिरहामा ८६ जना छात्रालाई साईकल वितरण गरिएको छ ।

गत शैक्षिक सत्रमा वितरणका लागि ल्याईएका साईकल विभिन्न कारणले ढिल भई यस शैक्षिक सत्रमा कक्षा- ८ उर्तिण गरि कक्षा -९ मा गएका छात्राहरुलाई वितरण गरिएका छन् ।

पढाईलाई प्रमुख धर्म बनाई सिरहा नगरपालिकाको मान समान हेतु विद्यालय कहिले पनि कुनै बहानमा नछाडी उज्यल भविष्यका लागि पढाईलाई निरन्तरता दिन अनुरोध साथ सिरहा नगरपालिका मेयर असेश्वर प्रसाद यादबले छात्रालाई प्रोत्साहन गर्दै साईकल वितरण गर्नु भयो ।

साईकल वितरण कार्यक्रमलाई सफल रुपमा व्यवस्थापन गरेको श्री चन्द्र नमून माध्यमिक विद्यालयका प्रअ मधु सुदन कर्णले  भने, अब कुनै बहनमा विद्यालयमा ढिलो हुनु हुदैन । वेटी पढाउन् यस्ता कार्याक्रमले थप उत्साहित गर्ने भएकोले सिरहा नगरपालिका तथा प्रदेश नं. २ सरकारलाई धन्यवाद छ । भविष्यमा पनि यस्ता कार्याक्रमलाई निरन्तर रुपमा अगाडी बढाउन सरकारसँग कर्णले अनुरोध गर्नु भयो ।

कार्यक्रममा सिरहा नगरपालिका शिक्षा शाखा स्रोत व्यक्ती काशिन्द्र प्रसाद यादब लगायत विद्यालयका शिक्षकहरुका विशेष उपस्थितिरहेको पल्सटुका ईन्चार्ज शिक्षक राजिव कुमार यादबले सीमा संदेश दैनिकलाई जानकारी दिईएको छ ।