अख्तियारको विरोधमा जसपा सिरहा नगरपालिका नगर कमिटीद्धारा मशाल जुलुस प्रर्दशन

• असोज १६, २०७८ | ८१८ पटक पढिएको | बैधनाथ कुमार यादब

सिरहा । अख्तियारले प्रदेश नं. २ को मुख्यमन्त्री कार्यालयमा छापा मारेको विरुद्धमा जसपा सिरहा नगरपालिका नगर कमिटीद्धारा मशाल जुलुश प्रर्दशन गरको छ ।

सिरहा सदरमुकाममा नगर कमिटीले हाथमा मशाल बोकी अख्तियार प्रमुख मुर्दावाज,  अख्तियार प्रमुख राजिनामा दे, जस्ता नारा लगाउँदै मशाल जुलुस प्रर्दशन गरको छ ।

शुक्रबार साँझ जसपा प्रदेश २ मधेश कमिटीले जारी गरको विज्ञप्ती  अनुसार सिरहा नगरपालिका नगर कमिटीले मशाल जुलुस प्रर्दशन गरको नगर कमिटी अध्यक्ष असेश्वर प्रसाद यादबले बताउनु भयो । जसपाको केन्द्रका निर्देशन अनुसार सर्वजनिक तालिका अनुसारको कार्याक्रम नगर कमिटीले निरन्तर रुपमा गर्ने यादबले बताए ।

केन्द्रिय कार्यालयबाट आएको अख्तियारको टोलिले गत बुधबार दिउँसो मुख्यमन्त्री कर्यालयमा छापा मारेको थियो । ‘बेटी पढाउ, बेटी बचाउ’ अभियान अन्तर्गत भएको साइकल खरिदको कागजात अख्तियारले लगेको थियो ।

लोकप्रिय कार्यक्रम बेटी पढाउ, बेटी बचाउ कार्यक्रमलाई बदनाम गराउन अख्यितारले छापा मारेका आरोप लगाउँदै जसपाले आपति समेत जनाएको छ ।