सरकारी स्कुलमा पढाई हुने अंग्रेजी माध्यम प्रति विद्यार्थीका आकर्षण बढदै

• कार्तिक ८, २०७८ | ८९७ पटक पढिएको | बैधनाथ कुमार यादब

सिरहा । सरकारी स्कुलमा पढाई हुने अंग्रेजी माध्यम प्रति विधार्थीका आकर्षण बढिरहेका छन् । सिरहा नगरपालिकाको सिरहा सदरमुकाममा नेपालको दोस्रो पुरानो विदयालय श्री चन्द्र नमूना (प्राविधिकधार) माध्यमिक विद्यालयमा चालू आ.व.मा नीजि विद्यालय छाडी भर्ना हुनेका संख्या उच्च देखिएका छन् ।

आ.व. २०७८÷०७९ को शैक्षिक सत्रका लागि खोलिएका भर्ना कार्याक्रम अन्तर्गत अंगेजी माध्यममा कक्षा १ देखि ८ सम्ममा कुल ३ सय ७३ जना विधार्थी भर्ना भएका छन् । कक्षा- ८ को सेशन ए र सी मा कुल १ सय ७९ जना भर्ना भएका छन् भन,े कक्षा- ७ को सेशन ए मा ३८ जना, कक्षा- ६ का सेशन ए मा ६४ जना, कक्षा- ५ मा २५ जना, कक्षा- ४ मा २० जना , कक्षा ३ मा ११ जना, कक्षा- २ मा १० जना र कक्षा- १ मा २६ जना भर्ना भएका छन् ।

गरिव तथा आर्थिक अवस्था कमजोर भएका विधार्थी  तथा अभिभावकहरुका माग पुरा गर्न सामुदायिक विद्यालयको सिमित स्रोतसाधनमा अंग्रेजी माध्यम संचालन गरेको विद्यालयका प्रअ मधु सुदन कर्णले बताउनु भयो । 

शिक्षामा पछाडी परेको यस क्षेत्रका बालबालिका पनि इच्छा अनुसारका शिक्षा हासिल गर्न सहज हुन् भने अभिप्रयले अंग्रेजी माध्यममा पठन पाठन सुरु गरेका छौँ । प्रत्येक आ.व.को भर्ना कार्याक्रममा अंग्रेजी माध्यममा विधार्थीका चाप बढिरहेका छन् । गुणस्तरीय शिक्षा हाम्रा प्रतिवद्धता नाराका साथ विद्यालयको व्यवस्थापन गरेको छु । विद्लयमा विधार्थी राख्ने ठाउँका अभाव भईरहेको छ । प्रत्येक कक्षामा सेशन संचालन रहेको छ । विद्यालयमा भवन अभाव भएका कारण समिति सिटमा भर्ना गरी भर्ना समय भन्दा पहिले बन्द गर्नु  परेको छ । हाम्रा चहना नभएपनि भवन तथा स्रोतसाधनको अभावका कारण भर्ना बन्द गर्नु परेको छ । अंग्रेजी माध्यममा  ३३ जना शिक्षक छन् । यसमा ५ जना शिक्षक अभाव रहेको छ । शिक्षक परिपूर्ति गर्न प्रक्रिया सुरु गरि सकेका छौँ । केही दिनमै शिक्षक पूर्ति हुने छ ।

 अहिले प्राथमिक तह र निम्मा वि. तहमा नेपाली माध्यम भन्दा अंग्रेजी माध्यममा विधार्थीका आकर्षण बढिरहेको प्रअ कर्णले बताउनु  भयो ।