प्रदेश २ सरकारमा जाँदै नेकपा एस, शत्रुधन र प्रमोद मन्त्री बन्ने

• मंसिर ३, २०७८ | ५६४ पटक पढिएको | सीमा संदेश

जनकपुरधाम । उद्योग, पर्यटन, वन तथा वातावरण मन्त्रालय र कानुन न्याय तथा प्रदेश मामिला मन्त्रालय लिएर नेकपा एस प्रदेश २ सरकारमा सहभागी हुने भएको छ ।

लामो संवादपछि दुई मन्त्रालय लिएर नेकपा एस सरकारमा जान सहमत भएको हो । मन्त्रालयको टुंगो लागेपछि नेकपा एसले संसदीय दलका नेता शत्रुधन महतो (धनुषा) र सांसद प्रमोद यादव (सिरहा)लाई मन्त्री बनाउने निर्णय गरेको छ ।

एउटा राज्यमन्त्री दिने सहमती भ एपनि तत्काल शपथग्रहण नहुने बुझिएको छ । कार्तिक ५ गते आइतबार दिउसो २ बजे नयाँ मन्त्रीको शपथग्रहण समारोह राखिएको प्रदेश सरकार स्रोतले जनायो ।

मुख्यमन्त्री लालबाबु राउतले नेकपा एसलाई सरकारमा ल्याउन उद्योग, पर्यटन, वन तथा वातावरण मन्त्री रामनरेश रायलाई तीन दिन अगाडी बर्खास्त गरेका थिए ।