मुख्य प्रतिष्पर्धीको उमेदवारी नै खारेज भएपछि विष्णु पौडेललाई सहज !

गुरुङ बैंकिङ कसुरमा कालो सूचीमा रहेको भेटिएपछि उनको उमेदवारी खारेज भएको हो ।

तोकिएको अवधिमा गुरुङले कालो सूचीबाट हटेको प्रमाण पेस नगरेपछि जिल्ला निर्वाचन कार्यालयले उनको उमेदवारी खारेज गर्ने निर्णय गरेको हो ।

गुरुङसँगै अन्य दुई स्वतन्त्र उमेदवारको उमेदवारी पनि खारेज भएको छ । स्वतन्त्र उमेदवार हिमाल बस्याल र हाम्रो नेपाली पार्टीका उमेदवार कलम भुसालको उमेदवारी पनि खारेज भएको छ ।

यसअघि नेकपा एमालेले गरेको आन्तरिक अध्ययनमा गठबन्धन कायमै रहे रुपन्देही २ जित्न कठिन रहेको क्षेत्रमा राखेको थियो ।

अब मुख्य प्रतिष्पर्धीको उमेदवारी खारेज भएको र जनता समाजवादी पार्टीसँगको तालमेलका कारण पौडेललाई सहज देखिन्छ ।

वैशाख ३० गते सम्पन्न भएको स्थानीय तहको निर्वाचनमा नेकपा एमालेले सो क्षेत्रमा ३३ हजार १८७ मत ल्याएको थियो । कांग्रेसले ३४ हजार ९५९ मत ल्याएको थियो भने माओवादी केन्द्रले ३ हजार १८८ मत ल्याएको थियो । राप्रपाले ३ हजार ९२०, जसपाले १८३ र लोसपाले २५ मत ल्याएको थियो । एकीकृत समाजवादीले जम्मा १३८२ मत ल्याएको थियो । तर पनि उक्त निर्वाचन क्षेत्र कांग्रेसले एकीकृत समाजवादीले छाडिदिएको थियो ।

सत्ता गठबन्धनका कारण उक्त क्षेत्र कांग्रेसले छाडिदिनुपरेको जनाएको छ ।

गुरुङ सोही पार्टीका नेता झलनाथ खनालका छोरासहितले दिएको चेक अनादरसम्बन्धी मुद्दामा दोषी ठहर भएका थिए ।
गुरुङ अध्यक्ष रहेको नर्थ वेष्ट नेपाल इन्फा प्रालिले २ करोड २५ लाखरुपैयाँ नतिरेको भन्दै अदालतमा उजुरी परेको थियो । २०७६ सालमै काठमाडौं जिल्ला अदालतमा परेको उजुरीविरुद्धको फैसला हुँदा गुरुङसहित ६ जनालाई जनही दुई हजाररुपैयाँ जरिवानासहित बिगो तिराउने भनिएको थियो ।

६ जनामध्ये एक हुन् झलनाथ खनालका छोरा निर्भिक चित्रकार खनाल ।  उनीहरुले दिएको चेक सटही नभएपछि अदालतसम्म पुगेको थियो ।