नागरिकलाई पुन: मास्क लगाउन भारतीय प्रधानमन्त्री मोदीको आग्रह

कोरोना संक्रमणको दर झरेपछि यसै वर्षको सुरुमा भारतले मास्क लगाउनेलगायत कोभिडसम्बन्धी अन्य नियमहरू फुकुवा गरेको थियो । 

सन् २०२० र २०२२ को दुईवटा भयानक कोरोना संक्रमण लहर भारतले भोगिसकेको छ । सन् २०२१ को गर्मी यामको लहर नियन्त्रण कार्यलाई लिएर सरकारको निकै आलोचना पनि भएको थियो । अक्सिजन आपूर्ति र संवेदनशिल औषधिको अभावमा त्यतिबेला हजारौँ भारतीय जनताले ज्यान गुमाएका थिए ।

बिजीबारको बैठकमा मोदीले सम्पूर्ण राज्यलाई अस्पतालका पूर्वाधारलाई दुरुस्त राख्न तथा अक्सिजन सिलिन्डर र भेन्टिलेटरको आपूर्तिलाई स्वस्थ राख्न अनुरोध गरेका थिए । उनले जनतालाई विचलित हुनुपर्ने केही कारण नै नरहेको भन्दै सम्पूर्ण आवश्यक सजगता अपनाउन पनि आह्वान गरेका थिए ।

सरकारी तथ्यांकका अनुसार अहिले भारतभरि करिब तीन हजार ४ सय कोरोना भाइरसका सक्रिय संक्रमित छन् ।

बीबीसीबाट ।