इजरायली आक्रमणमा गाजामा मृत्यु हुनेको संख्या ‘सात हजार २८’

• कार्तिक १०, २०८० | ३०९ पटक पढिएको | सीमा संदेश

गाजापट्टी । अक्टोबर ७ मा इजरायलमाथि प्यालेस्टाइनी कट्टरपन्थी इस्लामिक लडाकु समूह हमासले गरेको आक्रमणपछि गाजामा इजरायली आक्रमणमा परी कम्तीमा सात हजार २८ जनाको मृत्यु भएको प्यालेस्टाइनी स्वास्थ्य मन्त्रालयले जनाएको छ ।

सो युद्धमा दुई हजार ९१३ बालबालिका र एक हजार ७०९ महिलासहित सात हजारभन्दा बढी प्यालेस्टाइनी मारिएका छन् ।

अक्टोबर ७ मा हमास लडाकुले हवाई, स्थल तथा जलमार्गबाट एकैसाथ एक्कासि आक्रमण गर्दा गाजा क्षेत्रको इजरायलतर्फको सिमानामा कम्तीमा एक हजार ४०० जनाको मृत्यु भएको थियो । २०० भन्दा बढी व्यक्तिलाई अपहरण गरी बन्धक बनाइएको दाबी इजरायली सेना तथा स्वास्थ्य अधिकारी गरेका छन् । रासस/एएफपी