टिकटक बन्द गराउने निर्णयको सिरहामा स्वागत, मिर्चैयाका युवाहरुद्वारा मैनबत्ती प्रज्वलन

• कार्तिक २७, २०८० | ५९४ पटक पढिएको | सीमा संदेश

सिरहा, २७ कार्तिक ।  सामाजिक संजाल टिकटक बन्द गर्ने सरकारको निर्णयको सिरहा, मिर्चैयाका यूवाहरुले मैनबत्ती प्रज्वलन गरी स्वागत गरेका छन् ।

यूवा अभियन्ता पंकज शर्माको नेतृत्वमा यूवाहरुले मिर्चैया बजारमा मैनबत्ती प्रज्वलन गरी टिकटक बन्द गर्ने सरकारको निर्णयको स्वागत गरे । उनीहरुले सरकारलाई निर्णयबाट पछाडी नहट्न आग्रह गरेका छन् ।

शर्मा विगत लामो समयदेखि टिकटक बन्द गर्नुपर्ने अभियान चलाएका थिए । टिकटकबाट सामाजिक सद्भाव भड्काउने र समाजमा अंश्लिलता फैलाउने गरिएकाले बन्द हुनुपर्ने उनको भनाई छ ।

उनले भने, ’टिकटक बन्द हुनुपर्छ भने पटक पटक आन्दोलन गरे । आज सरकार बल्ल यथार्थ बुझेर टिकटक बन्द गर्ने निर्णय गर्यो । मलाई अत्यन्त खुशी महसुस भइरहेको छ ‌‌।’