मध्य रात सम्म व्यापारीहरु भन्सारमा

• जेठ १०, २०८१ | ४३७ पटक पढिएको | सीमा संदेश

भन्सार तिरेको मालसामान प्रहरीले नियन्त्रणमा लिएको भन्दै जनकपुरधामका व्यापारीहरु मध्य रात सम्म भन्सार कर्यालय घेरेका छन् ।

स्थानीय कपडा व्यवसायी अनिकेत अग्रवालले भारतबाट राजस्व काटिएको सामान ल्याएको तर सशस्त्र प्रहरीले बलजवर्जस्ती पथलैया पठाउने अडान लिएपछि व्यापारीहरु मध्यरात सम्म भन्सार कार्यालय घेरेको जनकपुरधाम उद्योग बाणिज्य संघका वरिष्ठ उपाध्यक्ष मनिष रमण साहले जानकारी दिए ।

जनकपुरधाममा भन्सार कार्यालय हुँदा हुँदै सामान पथलैया पठाउने प्रहरीले लिएको अडानले यहाँका व्यापारीहरुको मनोबल खस्काउने प्रयास गरिएको वरिष्ठ उपाध्यक्ष साहले आरोप लगाए । जटही नाकामा भन्सार कार्यालय छ, जनकपुरधाममा समेत कार्यालय छ यहाँ सामानको यकिन गर्नुपर्ने व्यापारीहरुले माग गरे पछि प्रहरी आफ्नो अडानमा कायम थिए ।

जनकपुरधाम लगायत मधेश प्रदेशका विभिन्न साना ठूला सहरहरुमा आर्थिक मन्दीका कारण व्यापारीहरु पलायन हुने अवस्थामा हुँदा हुँदै राजस्व तिरेर ल्याएका सामान समेतमा प्रहरीले मनोमानी गर्न थालेपछि व्यापारीहरु आन्दोलन गर्न बाध्य भएको वरिष्ठ उपाध्यक्ष साहको भनाइ थियो । कपडा व्यवसायी अग्रवाल सवै भन्दा बढी राजस्व बुझाउने जनकपुरधामका व्यापारी छन् ।