सिरहा ६ का वडाध्यक्ष भन्छन्- अब निजी शिक्षक राखेर पढाउनछौँ

• वैशाख १६, २०८२ | ४३९ पटक पढिएको | सीमा संदेश

सिरहा नगरपालिका वडा नं. ६ का वडाध्यक्ष ’इन्द्रजित कुमार गोठियाले करिब एक महिनादेखि जारी शिक्षक आन्दोलनका कारण गरिबका छोराछोरी पढ्न नपाउँदा मन दुखेको भन्दै अब निजी शिक्षक राखेर पढाउने बताएका छन् ।

उनले एक सूचना जारी गर्दै गरिबका छोराछोरी पढाइबाट बञ्चित भएको भन्दै अब विद्यालयमा निजी शिक्षक राखेर बढाउने बताएका हुन् ।

‘यो आनदोलन ले गर्दा गरिब, निमुखा, दलितको छोराछोरीहरु शिक्षाबाट बन्चित भैरहेको देखेर हाम्रो मन दुखेको छ अधिकांश शिक्षक शिक्षिकाको छोराछोरीहरु निजि विद्यालयमा अध्यनरत रहेको ले मार खालि गरिब, निमुखा, दलितको बालबालिकाहरु परेको छ हामी निर्वाचित जनप्रतिनिधि भएको हुनाले हामी भोलि मितिः २०८२/०१/१६ गते देखि सिरहा नगरपालिका वडा नं. ६ को सबै बालबलिकाहरुको लागि निजी शिक्षक राखेर पठनपाठन सुचारु गर्न गैरहेको यसै सुचनामार्फत सबैलाई जानकारी गराउन चाहान छौं’, सूचनामा भनिएको छ ।