गोलबजार फोहोरको डम्पिङ साइड बन्दै, स्थानीय सरकार बेखवर कर्मचारी र जनप्रतिनिधि कमाउ धन्धामा लागेका कारण पालिका नेतृत्व विहिन भएको छ ः वडाअध्यक्ष यादब

• मंसिर ७, २०८२ | ३७७ पटक पढिएको | सीमा संदेश

सिरहा, ०७ मंसिर ।  गोलबजार जिल्लाकै सबभन्दा सफा बजारका रुपमा मानिन्थियो । तर आजको अवस्था फरक देखिन्छ । गोलबजार नगरपालिकाको मुख्या बजारमा गुदरी हाट हप्ताको दुई दिन मंगलवार र शनिवार विशेष रुपमा लाग्ने गर्छ । शनिवारको बजारको दृष्य हेर्दा बजार क्षेत्र फोहोरको डम्पिङ साइड देखिन्थियो ।

 यो समस्या एक दिनको मात्र नभई अब दैनिक रुपमै  गोलबजार फोहोरमा रमाईरहेको व्यापरीहरुका भनाई रहेका छन् । सडकमा खाला–खुलडी र फोहोर थुपारेको डम्पिङमा दैनिक ५ देखि १० वटा गाडी दुर्घटनामा परिरहेको छ ।  पालिकाले फोहोर उठाउन नगरवासीबाट कर असुली निरन्तर गरिरहका छन । ती कर कुन ठाउँमा खर्च गरिरहेको छ भने कुरा बुझन् ग्राहो भएको एक व्यपारी विरेन्द्र साले बताए ।

वर्तमान जनप्रतिनिधि र कर्मचारी नगरवासीको सेवा भन्दा अन्यत्र काम गरिहको बजारमा थुपारिएको फोहोरले देखाउँछन्  । अहिलेको जनप्रतिनिधि र कर्मचारी करारको कर्मचारीका हातमा नगरपालिकालाई जिम्मा लगाई कमाउ धन्धामा चुमलुम डुवेको नगरवासीका आरोप छन् । पटक–पटक निमित प्रमुख प्रशासकीय अधिकृतको जिम्मेवारी लिईरहको अन्तत पौडेल भ्रष्टाचारका आरोपबाट असफल प्रशासकीय प्रमुखका रुपमा प्रमाणित भईसको छ । पटक–पटक निमितमा प्रमुखमा पौडेल आउनु र जनप्रतिनिधिको नेतृत्व विहिनताले पालिकामा तलब भता र भ्रष्टाचारको कार्यमा सिमित रहेको पुष्टि भईरहको व्यपारी चन्दन साहले बताए।

गोलबजारको मुख्य बजारको हाल्त देखेर आफै लाज लागिरहेको वाडा नम्बर ४ को वडाअध्यक्ष सकलदेव यादबले बताए । यादबले भने, सरसफाईको बजेट डेढ करोड कहाँ खर्च भईरहेको छ, थाहै लागिरहेको छैन् । सरसफाईको लागि १० लाख सम्म माग गर्दा पनि दिदैन । बजारको आजको यो अवस्था प्रमुख प्रशासकीय अधिकृत र नगर प्रमुखको असफलताका कारण रहेको छ । वडाबाट पटक–पटक ध्यान आकर्षण गर्दा पनि  ध्यान दिदैन् । आजको पालिकाको कार्य ५ टिपर गा्रइभल माटोलाई १५ टिपर बनाउनमा मात्र सिमित  छ । पटक–पटक फोहोर सफा गर्न र नालामा ढकन व्यवस्थापन अनुरोध गर्दा पनि ध्यान नदिइएको वडाअध्यक्ष यादबले बताए ।

बजारमा फोहोर थुपारीएका कारण व्यपारी र नगरवासीहरुका स्वास्थ्यमा नकारात्मक असर देखन् थालेको छ । फोहोरका कारण डेगुं मलेरीयाका विरामी बढेका छन् । बजारमा समान खरिद विक्री गर्न आउने उपभोगक्ताले पनि स्थानीय सरकारको गैर जिमेवारीको कारण समस्या भईरहेको कुरा बताउँछन् ।