सीमा सन्देश राष्ट्रिय दैनिक पत्रिकाले मनाए ८ औँ वार्षिक उत्सव सत्य, तथ्य, निष्पक्ष भएर सूचना संप्रेषण गर्न वक्ताहरुका सुझाव

• साउन ६, २०८३ | ८० पटक पढिएको | सीमा संदेश

गोलबजार । सिरहाको गोलबजारबाट प्रकाशन भईरहेको सीमा सन्देश राष्ट्रिय   दैनिक पत्रिका ८ औँ वर्षमा प्रवेश गरेको छ । २०७६ साल श्रावण ५ गतेबाट दैनिक प्रकाशनमा आएको अवसरमा मंगलवार एक कार्यक्रमको आयोजना गरी पत्रिकाले आफ्नो वार्षिक उत्सव मनाएको हो ।

बरिष्ठ पत्रकार अर्जुन थापलियाले आफ्ना शुभकामना दिदै भने, पत्रकारहरुको आस्था र विचार फरक भएता पनि काममा पत्रकारिताको सिद्धान्तबाट प्रेरित हुनुपर्ने हो । पत्रकारिता भनेको लोकतन्त्रको सबैभन्दा बलियो हतियार भएकाले यसको बलले पत्रकारले समाज सुधार गर्नुपर्ने उनको भनाइ थियो । सुशासन र पारदर्शितामा नचुक्नेले पत्रकारसंग डराउनु नपर्ने उनले बताए ।

सत्य, तथ्य समाचारले संचार माध्यमप्रति आम सर्वसाधारणको विश्वास बढ्उन अहिले आवश्यकता रहेको आकाश गंगा टिभिका पत्रकार संजय यादबले जोड दिइए । पत्रकारिता क्षेत्रमा अहिले धेरै चुनौती रहेको बताउदै मिडियाको अस्तित्व हराएमा समाजको अस्थित्वसमेत हराउन लागेकोले जिम्मेवार भई कार्य गर्नुपर्ने गमकपोष्टका सम्पादक आशिस विशर्कमाले बताए ।

व्यवसायीहरुले गरेको राम्रो कामलई पत्रिकाले अगाडि ल्याएको र यसले समाजमा सकारात्मक प्रभाव परेको माउण्ट एभरेष्ट माध्यमिक विद्यालयका संस्थपक प्रध्यानाध्यापक मनोज कुमार यादबले बताए । सीमा सन्देश राष्ट्रिय  दैनिक पत्रिकाले जिल्लाभित्रका गलत कार्यहरुलाई निरन्तर खबरदारी गरिरहेको र यसले सम्बन्धित निकायहरुलाई सच्चिने मौका मिलेको उनले जानकारी दिए । समाजका देखिएका समस्याहरु पत्रिकाले समाचारमार्फत उजागर गरेर सरकारलाई सुसूचित गराएको पनि उनले बताए ।

सिरहाको पत्रकारिताको क्षेत्रमा सीमा सन्देश राष्ट्रिय  दैनिकको धेरै ठूलो योगदान रहेको बताउँदै खोजमुलक र सिर्जत्मक समाचार पढन पाएको पाठक विनोद कुमार साहले खुशी व्यक्त गरे । यसरी ने निरन्तर सिरहाकै सबै कुनाकपचामा पुगेर गरिव निमुखाहरु आवज बन्न सफल होस उनले शुभकामना व्यक्त गरे ।

नेपाली जनताको दशकौँदेखिको सङ्घर्ष र त्याग तथा नेपाल आमाका हजारौँ सर्वोत्तम छोराछोरीको बलिदानको बदलामा हामीले सङ्घीय लोकतान्त्रिक गणतन्त्र पाएका छौँ । यो युगीन परिवर्तनको रक्षा र नेपाली नागरिकको भलोका पक्षमा अहोरात्र पहरेदारी गर्ने सीमा सन्देश राष्ट्रिय दैनिकका प्रकाशक तथा सम्पादक बैधनाथ कुमार यादबले बताए ।

जेनजी विद्रोह पछि भएको आमनिर्वाचनबाट नयाँ राजनीतिक शक्तिको झन्डै दुई तिहाइको सरकार बनेको छ । जनताले भ्रष्टाचारमुक्त र सुशासनयुक्त शासन हुने अपेक्षा र विश्वासका साथ प्राप्त जनादेशमाथि धोका दिने छुट यो सरकारलाई छैन । जनताका आशा–अपेक्षामा तुषारापात नहोस् भनी हामी सरकार र सम्बद्ध सबै पक्षलाई प्रोत्साहन तथा सकारात्मक खबरदारी गरिरहने उनले बताए।