सिरहा । जिल्ला प्रहरी कार्यालय सिरहाले लागुऔषध गाँजाजस्तो देखिने पदार्थसहित एक जनालाई नियन्त्रणमा लिएको छ।
आज बिहान ३ः३० बजे भगवानपुर गाउँपालिका वडा नम्बर ४ स्थित बलान खोलामा केही मानिस टाउकोमा पोका बोकेर आउँदै गरेको विशेष सूचना प्राप्त भएपछि पुगेको प्रहरीले उनलाई पक्राउ गरेको हो ।
प्रहरी देख्नासाथ पोका फालेर भाग्ने क्रममा भगवानपुर, कल्याणपुर टोलका ५५ वर्षीय देवशरण यादव पक्राउ परेका हुन् । उनका साथबाट ५ वटा पोका बरामद भएको छ।
पोकामा ८०.५१ किलोग्राम गाँजाजस्तो देखिने पदार्थ बरामद भएको बताइएको छ । फरार व्यक्तिको खोजी भइरहेको जिल्ला प्रहरी कार्यालय सिरहाका सूचना अधिकारी तथा प्रहरी निरीक्षक नरेश लिम्बूले जानकारी दिए ।
Copyright © 2020 / 2026 - Seema Sandesh Daily.com All rights reserved