सिरहा नपा मेयरद्धारा क्वाराइन्टाइन अनुगमन, दुई सय बेड थप तयारीको निर्देशन

• जेठ २, २०७७ | १,३५७ पटक पढिएको |

सिरहा नगरपालिक मेयर असेश्वर प्रसाद यादबले नगरपालिका भित्र रहेका तिन वटा क्वराइन्टाइन अनुगमन गरेको छ । क्वराइन्टाइन भित्र रहेका नागरिकहरुसँग सुविधा असुविधाहरुका विषयमा छलफल पनि गरेका छन ।
भारतबाट नेपाली फर्किने क्रम बढेकोले सिरहा नगरपालिका भित्रका सूर्यनारायण सत्यनारायण मरबैता यादब क्याम्सको क्वराइन्टाइनमा थप २ सय वेड थप तयारीका लागि निर्देशन पनि दिनु भयो । क्वराइन्टाइन भित्रका सबै जनाका चेक जाँच नियमित भईरहेका छन । सबै सामान्य अवस्थामा रहेको सीमा संदेश राष्ट्य दैनिकलाई जानकारी दिनु भयो ।
हाल सिरहा नगरपालिका भित्रमा ३ वटा क्वराइन्टाइन संचालन गरिएको छ । क्वराइन्टाइन भित्र ११ जना महिला, ३ जना बालबालिका गरी जम्मा १ सय २१ जना रहेका छन । जस मध्ये २५ जनाका पिसियार परिक्षण भईसकेको छ, रिर्पोट आउन बाँकी रहेको सिरहा नगरपालिका प्रशासकिय प्रमुख बलिराम यादबले बताउनु भयो । दैनिक रुपमा भारतबाट नेपाल क्षेत्रमा सिरहा नाका प्रवेश गर्ने क्रम बढी रहेको कारण पूर्ण व्यवस्थापन गर्न समस्या भईरहेको छ । नेपाल सरकारले सहजताका लागि स्थानियतहको सरकारलाई आफ्नो नागरिकलाई ल्याई स्थानियतह भित्र क्वराइन्टाइन गर्न निर्देशन गर्नु पर्ने जरुरी रहेको यादबले अनुरोध गर्नु भयो ।
क्वराइन्टाइन सुरक्षाका लागि नेपाली सेना, शस्त्र प्रहरी र नेपाल प्रहरी खाईएका छन । विभिन्न प्रवृत्ति र व्यवहारका व्यक्तिहरु भएका कारण व्यवस्थापन मिलाउन सामान्य असहज परिस्थिति पनि उत्पन हुने गरेको क्वराइन्टाइन संयोजक सुरेश चोरवार यादबले बताउनु भयो । दैनिक रुपमा सिरहा नगरपालिकालाई ५० हजार क्वराइन्टाइन व्यवस्थापनका लागि खर्च भईरहेको यादबले बताए ।
क्वराइन्टाइनलाई थप व्यवस्थापनका लागि जिल्ला प्रशासन कार्यालय तथा सिरहा नगरपालिका कार्यालयसँग आजै छलफल पनि हुने जानकारी प्राप्त भएको छ । बैठकबाट क्वराइन्टाइनमा हुने गरेको सम्पूर्ण समस्या सामाधानका लागि निर्णय लिइने छ । सिरहा नगरपालिका बाहिरकालाई सम्बन्धीत स्थानियतहको सरकारलाई बुझाउन पहल पनि गरिनेछ ।