नेपालमा कोरोनाबाट पहिलो मृत्यु पुष्टि

• जेठ ३, २०७७ | २८० पटक पढिएको |

काभ्रेको धुलिखेल अस्पतालमा सुत्केरीको कोरोनाको कारण नै ज्यान गएको सरकारले पुष्टि गरेको छ । सिन्धुपाल्चोकको बाह्रबिसे नगरपालिका वडा नम्बर ९ राम्चेकी सुत्केरीको कोरोनाका कारण ज्यान गएको सरकारले पुष्टि गरेको हो ।

वाग्मती प्रदेश सरकारका सामाजिक विकास मन्त्री युवराज दुलालले फेसबुकमार्फत ती सुत्केरीको कोरोनाका कारण ज्यान गएको पुष्टि गर्नुभएको हो । 

उहाँले ती सुत्केरीको कोरोनाका कारण नै ज्यान गएको चिकित्सकीय अनुसन्धानको निष्कर्ष आएको जानकारी दिनुभयो । उहाँका अनुसार अहिले धुलिखेल अस्पताल र बाह्रबिसे नगरपालिका वडा नम्बर ६ सिल गरिएको छ । ती ठाउँमा भोली विज्ञ प्राविधिक टोलीले कन्ट्याक ट्रेसिङ गरी आवश्यक सबैको पीसीआर परीक्षण गर्ने सरकारको तयारी छ ।

नेपालमा आज थप ११ जनामा कोरोना पुष्टि भएसँगै सक्रमितको सङ्ख्या २ सय ७८ पुगेको छ । ३६ जना निको भएका छन् ।