प्रहरीसहित ५ जनामा कोरोना संक्रमण, संक्रमितको सङ्ख्या ४०७ पुग्यो

• जेठ ७, २०७७ | ३०३ पटक पढिएको |

धनकुटा जिल्ला अस्पतालका एकजना प्रहरीसहित मंगलबार ५ जनामा कोरोना भाइरसको संक्रमण देखिएको छ ।

बाँकी चार जना संक्रमितमध्ये एकजना नर्स, दुई जना हेल्थ असिस्टेन्ट र एकजना नर्सका श्रीमान हुन् । योसँगै देशभर संक्रमितको सङ्ख्या ४ सय ७ पुगेको छ ।

धरानस्थित विपी कोइराला स्वास्थ्य विज्ञान प्रतिष्ठानमा गरिएको परीक्षणमा उनीहरूमा संक्रमण पुष्टि भएको अस्पताल श्रोतले बतायो ।

यसअघि पनि सोही अस्पतालकी एकजना नर्सलाई संक्रमण देखिएको थियो । त्यसपछि उनीसँग सम्पर्कमा आएकाहरूको परीक्षण गर्दा थप ५ जनामा संक्रमण पुष्टि भएको हो ।

मंगलबार मात्रै २७ जना संक्रमित थपिएका छन् ।