एकै दिनमा ९० जना थप संक्रमित पुष्टी, कुल संख्या ७७२ पुग्यो

• जेठ १३, २०७७ | ३६६ पटक पढिएको |

सिरहा । स्वास्थ्य तथा जनसङ्ख्या मन्त्रालयले नेपालमा थप ९० जनामा कोरोनाभाइरस सङ्क्रमण देखिएको पुष्टि गरेको छ।

मङ्गलवार अपराह्ण नियमित प्रेस ब्रीफिङमा बोल्दै मन्त्रालयका प्रवक्ता डा. विकास देवकोटाले अहिलेसम्म कोभिड-१९ पुष्टि भएका व्यक्तिको सङ्ख्या ७७२ नाघेको जानकारी दिए।

कपिलवस्तुमा २६, रौतहटमा २२, सुर्खेतमा १२, बाँकेमा ८, स्याङ्जामा २, गुल्मीमा २, अर्घाखाचीमा २, जुम्लामा २, कैलालीमा १, अछाममा १,रुपन्देहीमा १, सिराहामा ५, धनुषामा १, महोत्तरीमा २ र बारामा ३ गरी कुल ९० जनामा कोरोना संक्रमण पुष्टी भएको छ।

उनका अनुसार नारायणी अस्पतालमबाट थप ४३ जना कोभिड-१९ मुक्त भएर अस्पतालबाट बिदा भएका छन्। अब निको हुनेको कुल सङख्या १५५जना पुगेको छ।

सङ्क्रमण पुष्टि भएकामध्ये चार जनाको मृत्यु भएको छ।