थप ११४ जनामा कोरोना संक्रमण पुष्टि, कुल संख्या ८८६ पुग्यो

• जेठ १४, २०७७ | ४७४ पटक पढिएको |

नेपालमा बुधवार ११४ कोरोनाभाइरस सङ्क्रमित थपिएका छन्।

रौतहटमा ३५, बाग्लुङमा ६, मकवानपुरमा १, झापामा १७, बारामा ८, सप्तरीमा ११, दाङमा १५, बाँकेमा १६, सिरहामा २ र रूकुमपूर्वमा ३ जनामा गरी कुल ११४ जनामा कोरोना भाइरसको संक्रमण पुष्टि भएको छ।

यो एकै दिनमा सङ्क्रमण पुष्टि भएको अहिलेसम्मकै सबैभन्दा ठूलो सङ्ख्या हो।

स्वास्थ्य तथा जनसङ्ख्या मन्त्रालयका प्रवक्ता डा. विकास देवकोटाले बुधवार अपराह्ण नेपालमा कुल सङ्क्रमित ८८६ पुगेको बताए। तीमध्ये ६९९ जनाको उपचार भइरहेको र १८३ जना निको भएको उनले बताए।

मङ्गलवार ९० जनामा सङ्क्रमण पुष्टि भएको थियो। अहिलेसम्म नेपालमा सङ्क्रमणबाट मृत्यु हुनेको सङ्ख्या चार छ।