सिरहामा ६ सहित प्रदेश २ मै फेरि थपिए ७६ कोरोना संक्रमित

• जेठ १५, २०७७ | १,२०४ पटक पढिएको |

सिरहा । सिरहामा ६ जनासहित प्रदेश २ मै ७६ जनामा कोरोना पुष्टि भएको छ । बरियारपट्टी गाउँपालिकाको  ४ जना, औरही गाउँपालिका १ र लक्ष्मीपुर पत्तारी गाउँपालिका को १ जना गरी कुल ६ जना सिरहामा थपिएका छन । वीपी कोइराला स्वास्थ्य विज्ञान प्रतिष्ठान धरानमा गरिएको परीक्षणमा सबैभन्दा धेरै धनुषाका २९ जनामा कोरोना संक्रमण पुष्टि भएको छ ।

यस्तै महोत्तरीमा १७ जना, सप्तरीमा १४ जना, सर्लाहीमा ७ जना र रौतहटमा ३ जनाको रिपोर्ट पनि पोजेटिभ आएको छ ।

सिरहा जिल्लामा  थपिएका  ६ जना सहित कुल संक्रमितको संख्या १४ पुगेको छ ।