थप १३ जनामा कोरोना पुष्टि, नेपालमा संक्रमितको संख्या १८ सय ११ पुग्यो

• जेठ १९, २०७७ | ४४९ पटक पढिएको | सीमा संदेश

नेपालमा थप १३ जनामा कोरोना संक्रमण पुष्टि भएको छ ।

सोमवार साँझ स्वास्थ्य तथा जनसंख्या मन्त्रालयले थप १३ जनामा कोरोना संक्रमण पुष्टि भएको विज्ञप्तिमार्फत जानकारी दिएको छ ।

यो सँगै नेपालमा कोरोना संक्रमितको संख्या १८११ पुगेको छ । सोमबार एकै दिन २ सय ३९ जनामा कोरोना संक्रमण भएको छ ।

सोमबार साँझ घोषणा गरिएको १३ जनामा पाल्पा निस्दी गाउँपालिकाका २ जना, नवलपरासीको सरावल गाउँपालिकाका १ जना, गुल्मीको रेसुंगा नगरपालिकाका १ जना, कपिलवस्तुको मायादेवी गाउँपालिकाका ७ जना र रुपन्देहीको गैडहवाका २ जना रहेका छन् ।