सिरहामा थप १०० बेड आईसुलेसन वाडको निर्माण कार्य सुरु

• जेठ २१, २०७७ | ८५१ पटक पढिएको | बैधनाथ कुमार यादब

सिरहा । सिरहामा कोरोना संक्रमित दिन प्रति दिन भारी संख्यामा थप हुने क्रम बढेपछि थप १०० बेडको आईसुलेशन वाड निर्माण कार्य जिल्ला अस्पताल सिरहाले  सुरु गरेको छ ।

प्रदेश सरकारको सहयोगमा सिरहा सदरमुकाममा रहेका श्री चन्द्र माध्यमिक विधालय सिरहाको भवनलाई आईसुलेशन वडाका लागि प्रयोग गर्ने गरी जिल्ला अस्पताल सिरहाले निर्माण कार्य अगाडी बढेको जिल्ला स्वास्थ्य कार्यालय सिरहाको प्रमुख कृष्णदेव यादबले जानकारी दिनु भयो ।

सिरहा जिल्ला भित्रका विभिन्न आस्पतालमा आईसुलेशन रहेपनि संक्रमितहरुको सहज उपचारका लागि सिरहा जिल्ला अस्पतालको २५ बेड र धनगडीमाई नगरपालिकाको महेन्द्र गेनाई अस्पतालको ३० बेड प्रयोग भईरहेको छ । कुल ५५ बेड आईसुलेशन वाडमा कुल ४८ जना कोरोना संक्रमितलाई राखिएको छ ।

हाल सिरहामा कोरोन संक्रमितको कुल संख्या ४७ रहेको छ । तर मंगलवार धनुषामा कार्यरत सिरहा धनगडीमाई नगरापालिका स्थाई घर भएको नेपाली प्रहरीको जवान संक्रमित पुष्टी भएपछि वहाँ आफ्नै घरमा रहेकोले हाल महेन्द्र गेनाई अस्पतालमा भर्न गरेको छ । आईसुलेशन भर्ना संख्यको आधारमा सिरहामा ४८ संक्रमित पुगेको छ ।