तिन लाख घुससहित वडाध्यक्ष पक्राउ

• जेठ २४, २०७७ | ४७४ पटक पढिएको | सीमा संदेश

 बुटवल । अख्तियार दुरुपयोग अनुसन्धान आयोग बुटवलले पाल्पाको रैनादेवी छहरा गाउँपालिका वडा नम्बर ७ का अध्यक्ष देवेन्द्र पुनलाई ३ लाख घुससहित पक्राउ गरेको छ । 

वनको काठ खरिद गर्दा सहजीकरण गरिदिने भन्दै उनले ठेकेदारसँग घुस लिएको अख्तियारले जनाएको छ । 

सो घुसबापतको रकम लिँदै गरेको अवस्थामा पुनलाई शनिबार बिहान सालझन्डी १० सैनामैनाबाट नियन्त्रणमा लिएको अख्तियार दुरुपयोग अनुसन्धान आयोग बुटवलका प्रवक्ता सुरेश भुसालले रातोपाटीलाई जानकारी दिए । उनीमाथि थप अनुसन्धान भइरहेको जनाइएको छ ।