पछिल्लो २४ घण्टामा प्रदेश २ मा थप २०४ जनामा कोरोना संक्रमण पुष्टि

• जेठ ३०, २०७७ | २४९ पटक पढिएको | सीमा संदेश

सिरहा । पछिल्लो २४ घण्टामा प्रदेश २ मा थप २०४ जनामा कोरोना संक्रमण पुष्टि भएको छ । प्रदेश २ का सामाजिक विकास मन्त्रालयका अनुसार ९ जना महिला र १९५ जना पुरुष गरी जम्मा २०४ जनामा कोरोना भाइरस पुष्टि भएको छ ।

शुक्रबार थपिएका कोरोना संक्रमितमध्ये सबैभन्दा बढी रौतहटका छन् ।

सप्तरीमा १८ जना, सिरहामा ११ जना, धनुषामा १५ जना, महोत्तरीमा १६ जना, सर्लाहीमा ५७ जना, रौतहटमा ८६ जना र बारामा १ जना कोरोना संक्रमित थपिएका हुन् ।

योसँगै प्रदेश २ मा प्रदेश २ मा संक्रमितको संख्या १ हजार ८ सय ६ पुगेको छ । जसमध्ये ४ सय २० जना निको भएका छन् ।