सिरहामा २४९ जनाको स्वाब अयोग्य

• असार ५, २०७७ | ९०४ पटक पढिएको | बैधनाथ कुमार यादब

सिरहा । सिरहामा कोरोना परिक्षणको लागि विभिन्न क्वारेन्टाइनहरुबाट संकलन गरिएका २४९ जनाको स्वाब अयोग्य रहेको टेकु प्रयोगशालले बताएको छ ।

संकलन गरिएका स्वाबहरु नियम अनुसार लिबलिंग राम्रोसँग नगरी पठाएको भन्दै प्रयोगशालले अयोग्य ठहर गरेको जिल्ला स्वास्थ्य कार्यालय सिरहा प्रमुख कृष्णदेव यादबले जानकारी दिनु भयो । 

हालसम्म जिल्लामा २ हजार ३ सय ८६ जनाको स्वाब संकलन गरी परिक्षणका लागि पठाईएको छ । असार ४ गते सम्म सर्वजनिक गरिएको रिर्पोट अनुसार ७१ जना पोजेटिभ र १६१४ जनाको निगेटिभ  गरी कुल १६८५ जनाको परिक्षण रिर्पोट सर्वजनिक गरिएको छ ।  कुल ४५२ जनाको रिर्पोट अहिले पनि आउन बाँकी रहेको छ ।

अरडिटी किटबाट जिल्ला भरीमा कुल २००४ जनाको परिक्षण गरिएको छ । परिक्षण गरिएकोमा कुल १८९८ जनाको रिर्पोट निगेटिभ आएको छ भने कुल १०६ जनामा पोजेटिभ देखिएको छ।

अरडिटी परिक्षण रिर्पोट पोजटिभ आएकोलाई कोरोना भाइरस संक्रमित घोषण गरिएको छैन । पिसिआर परिक्षणका लागि स्वाब संकलन गरी काठमाडौ पाठएको छ । पिसिआर रिर्पोट पोजेटिभ आएपछि मात्र कोरोना संक्रमित घोषण हुने जिल्ला स्वास्थ्य कार्यालय प्रमुख यादबले बताउनु भयो । 

जिल्लाभरीको संस्थागत क्वारेन्टाइनमा कुल १२२८ जना रहेका छन ।  होम क्वारेन्टाइनमा कुल ४७८ जना रहेको छ भने आईसुलेशनमा कुल ४६ जनाको उपचार भईरहेको छ । 

सिरहामा हाल सम्म कोरोना भाइरस संक्रमितको संख्या ७१ पुगेको छ । २६ जनाले कोरोनाबाट निक भई घर फर्केको छ ।