नेपाल भारत सीमामा सशस्त्र प्रहरीको ८९ वटा बिओपी स्थापना हुँदै

• असार १४, २०७७ | ३१५ पटक पढिएको | सीमा संदेश

सिरहा । सरकारले सशस्त्र प्रहरीका ८९ वटा बोर्डर आउट पोष्ट (बीओपी) थप गर्ने भएको छ ।

नेपालका भारत र चीनसँग सीमा जोडिएका विभिन्न ११४ वटा स्थानमा सशस्त्र प्रहरीका बीओपी स्थापना गर्ने योजना अनुरुप काम अगाडि बढाइएको हो ।

जसमध्ये प्रदेश २ मा १५ वटा बिओपी निर्माण हुने बताइएको छ । जसमध्ये पर्सामा ६, सिरहामा १, सप्तरीमा २, महोत्तरीमा ३, सर्लाहीमा १ र बारामा एउटा निर्माण हुने बताइएको छ ।

हुम्लाको हिल्सा, संखुवासभाको किमाथांका, मुस्ताङको लोमानथाङमा र दार्चुलाको छाङरुसहित सीमानाका २५ स्थानमा यसअघि नै बीओपी स्थापना भइसकेका छन् ।

थप ८९ वटा स्थानमा बीओपी राख्नका लागि सशस्त्र प्रहरीले कतिपय ठाउँमा जग्गाको पनि टुंगो लगाइसकेको छ भने केही स्थानमा भाडाको घरमा बस्ने योजना बनाएको छ।