२४ घण्टा नवितिदै सिरहामा फेरि थपियो २ जना कोरोना संक्रमित

• साउन १८, २०७७ | ४६१ पटक पढिएको | बैधनाथ कुमार यादब

सिरहा । २४ घण्टा नवितिदै सिरहामा फेरि राती सर्वजनिक गरिएको परिक्षण रिर्पोटमा थप २ जनामा कोरोना भाइरस संक्रमित पुष्टि भएको छ ।

कोरोना भाइरस पुष्टि भएकाहरु बरियारपट्टी गाउँपालिका क्वारेन्टाइनका २० र २५ वर्षिय पुरुष रहेका छन । संक्रमितहरुलाई आइसुलेशनमा ल्याउने तयारी भइरहेको जिल्ला स्वास्थ्य कार्यालय सिरहा प्रमुख कृष्णदेव यादबले जानकारी दिनु भयो । 

शनिवार मात्र सिरहा नगरपालिका क्वारेन्टाइनमाका २ जना पुरुष, कल्याणपुर नगरपालिका क्वारेन्टाइनका १ जना महिला र १ जना पुरुष गरी २ जना, लहान नगरपालिका वडा नं। ८ को १ जना गरी ५ जनामा भाइरस पुष्टि भएको थियो ।

यसैसँगै सिरहामा कोरोना भाइरस संक्रमितको संख्या २१४ पुगेको छ । त्यसैगरी हल सम्म सर्वजनिक गरिएको रिर्पोटमा ३७२९ जना निगेटिभ देखिएको छ । १३९ जनाका रिर्पोट आउन बाँकी छन । निको भएर १९१ जना घर फर्केका छन ।