सुखिपुर नगरपालिकाको एकै वडाका ८ जनामा कोरोना पुष्टि

• साउन २७, २०७७ | ६११ पटक पढिएको | बैधनाथ कुमार यादब

सिरहा । सिरहाको सुखीपुर नगरपालिकाको एकै वडाका ८ जनामा कोरोना भाइरस पुष्टि भएको छ । 

सुखीपुर नगरपालिका वडा नम्बर १ स्थित श्री जनता माध्यमिक विद्यालय रहेको क्वारेन्टाईनमा भएको पिसिआर टेष्टमा वडा नम्बर ९ बैशखाका ८ जनामा पोजेटिभ आएको हो ।

नगरपालिका भरीमा भएको ८३ जनाको टेष्टमा ८ जना २१ देखी ४२ वर्षका पुरुषमा रिपोर्ट पोजेटिभ देखिएको जिल्ला स्वास्थ्य कार्यालय सिरहाको प्रमुख कृष्णदेव यादबले जानकारी गराउनुभयो । 

कोरोना भाइरस पोजेटिभ फेला परेका सबै भारतका हरियानाबाट घर फर्केएका थिए । उनीहरुलाई आइसोलेसनका लागि सिराहाको धनगढी नगरपालिका– ११ महेन्द्र गेनाई अस्थायी कोरोना अस्पताल लगिएको छ ।

यसैसँगै सिरहामा कोरोना भाइरस संक्रमितको संख्या २३३ पुगेको छ । कोरोना मुक्त भई २०४ जना घर फर्केका छन् ।