गर्भवती महिला हत्या आरोपमा पति र सासु पक्राउ

• साउन ३२, २०७७ | ३०२ पटक पढिएको | सीमा संदेश

सिरहा । सिरहामा गर्भवती महिला लाई हत्या गरेको आरोपमा पति र सासु पक्राउ परेका छन।

सिरहा नगरपालिका–१६ बस्ने १९ वर्षीया ककुलतीदेवी दासको हत्या गरेको आरोपमा मृतकी पति २० वर्षीय धिरज दास र सासु ३५ वर्षीय राजकुमारी दासलाई जिल्ला प्रहरी कार्यालय सिरहाले पक्राउ गरेको जिल्ला प्रहरी कार्यलय सिरहाले जनाएको छ। 

हत्या आरोपितहरूले तीन महिनाकी गर्भवती छोरीलाई साउन २७ गते कुटपिट गरी हत्या गरेको पीडित परिवारले बताएका छन। साउन २८ गते बिहान छिमेकीले जानकारी गराए पछि घटना थाहा पाएको र पोष्ट मार्टमको रिपोर्ट आए पछि किटानी उजुरी दिन प्रहरीले भनेपछि रिपोर्ट साउन ३० गते किटानी उजुरी दिएको बुवा चन्दर दासले बताउनु भयो ।

जिल्ला प्रहरी कार्यालय सिरहाका डिएसपी बिनोद घिमिरेका अनुसार घटना शङ्कास्पद भए पनि पोष्ट मार्टमको रिपोर्टले थप जानकारीहरू प्राप्त भएकाले आरोपितहरूलाई गिरफ्तार गरिएको बताउनु भयो ।शवको पोष्टमार्टम जिल्ला अस्पताल सिरहामा साउन २८ गते भएको थियो ।