सिराहामा थप २० जनामा कोरोना संक्रमण पुष्टि

• भदौ २५, २०७७ | ६०६ पटक पढिएको | बैधनाथ कुमार यादब

सिरहा । सिरहमा बिहीवार थप २० जनामा कोरोना संक्रमण पुष्टि भएको छ ।

विपि कोरईला प्रतिस्ठान अस्पताल धरानबाट  प्राप्त  पीसिआर परिक्षण रिर्पोट अनुसार फूलकुमारी अस्पताल कर्जन्हा ७ जना, प्रहरी कार्यालय मिर्चैयामा ७ जना, चोर्हवा सैनिक व्यारेकमा ४  जना, शसस्त्र जवना १ जना र मिर्चैया नगरपालिकाको १ जना गरी कुल २०  जनामा रिपोर्ट पोजेटिभ आएको जिल्ला स्वास्थ्य कार्यालय सिरहाको प्रमुख कृष्णदेव यादबले जनकारी दिईएको छ ।

उनीहरु सबै २४ देखि  ५० वर्ष उमेर समूहका रहेका छन । जसमा १८ जना पुरुष र २ जना महिला रहेका छन ।

यसैसँगै जिल्लामा कोरोना संक्रमितको संख्या ६ सय ५० पुगेको छ । जसमध्ये ३ सय ५६ जना निको भएर घर फर्केका छन । अहिले २ सय ८४ जनाको उपचार आइसोलेसनमा भईरहेको छ । जिल्लामा हालसम्म ८ हजार ८ सय ४५ जनाको स्वाव परीक्षण भएको स्वास्थ्य कार्यालयले जनाएको छ । हाल सम्म सिरहामा कोरोना संक्रमणबाट १० जनाको मृत्यु भई सकेको छ ।