औरही टुनामेन्टमा कर्मचारी टिम गोलबजार बिजय

• मंसिर ४, २०७७ | ८६१ पटक पढिएको | सीमा संदेश

सिरहा । सिरहाको औरहीमा शुभ दिपावली तथा छठ पर्वको सुखद उपलक्ष्यमा आयोजित पुर्व खेलाडी स्मृति नकाउट फुटबल टुर्नामेन्टको फाईनल खेलमा कर्मचारी टिम गोलबजार बिजय भएको छ ।

जनचेतना युवा कल्ब इटाटार र VISON SPORT CLUB AURAHI को संयुक्त आयोजनामा भएको टुर्नामेन्टको फाइनल समारोहको प्रमुख अतिथिको रुपमा प्रदेश लोकसेवा अध्यक्ष माननीय श्री सुरेन्द्र प्रसाद यादवको उपस्थितिमा सम्पन भएको छ ।

सिरहा स्टार क्लब , सिरहा र गोलबजार कर्मचारी टिम बिच भएको खेलमा २-० को अन्तरले गोलबजार बिजय भएको आयोजक कल्बको सचिव दिपेन्द्र कुमार यादवले जानकारी गराउनु भयो।

 उक्त खेलमा प्रथम बिजय हुने टिमलाई रु. २५०००  नगद  , मेडल , प्रमाणपत्र तथा दोस्रो हुनेलाई रु. १५०००  नगद , मेडल र प्रमाणपत्र प्रदान गरिएको अध्यक्ष लक्ष्मी प्रसाद यादवले जानकारी गराउनु भयो।

स्थानीय बुद्धिजीवी , समाजसेवीहरु तथा वडा अध्यक्षहरुको आर्थिक सहयोगमा टुर्नामेन्ट आयोजना गरिएको थियो। खेलको उदघाटन गत २५ गते प्रदेश न.२ को आर्थिक मामिला तथा योजना मन्त्री माननीय बिजय कुमार यादवले गर्नुभएको थियो।