१० किलो गाँजासहित एकजना प्रहरीको फन्दामा

• साउन ३२, २०७८ | ९९० पटक पढिएको | सीमा संदेश

सिरहा । सिरहाबाट लागुऔषध गाँजासहित एकजनालाई पक्राउ गरेको छ । पक्राउ पर्नेमा लहान नगरपालिका-१७ गोबिन्दपुर बस्ने ४० वर्षीय बागेश्वर चौधरी रहेका छन् ।

इलाका प्रहरी कार्यालय लहान र प्रहरी चौकी लहान सिरहाबाट खटिएको प्रहरी टोलीले सोमबार चौधरीको घरबाट १० किलो अवैध लागुऔषध गाँजा बरामद गरेको जिल्ला प्रहरी कार्यालय सिरहाले जनाएको छ ।

प्रहरीले उनको घरमा खानतलासी गर्दा घरभित्र लुकाई छिपाई राखेको अवस्थामा पाएपछि चौधरीलाई नियन्त्रणमा लिएको छ भने थप अनुसन्धान भइरहेको प्रहरीले जनाएको छ ।