गाँजासहित एक जना पक्राउ

• असोज ४, २०७८ | ५४९ पटक पढिएको | सीमा संदेश

४ असोज, सिरहा । लागूऔषध गाँजासहित सिरहाबाट प्रहरीले एक जनालाई पक्राउ गरेको छ ।

धनुषाको सबैला नगरपालिका–१३ तिरतपुरका २६ वर्षीय शुभकुमार महतोलाई सिरहा नगरपालिका–६ बसबिट्टा चोकबाट प्रहरीले पक्राउ गरेको हो । ।

महतोले चलाएको ज ११ प १७४३ नम्बरको मोटरसाइकल रोकेर चेकजाँच गर्दा ५ किलो २२३ ग्राम लागूऔषध गाँजा र २ थान नाइट्रोभेट ट्याबलेट फेला परेपछि उनलाई पक्राउ गरिएको जिल्ला प्रहरी कार्यालय सिरहका प्रवक्ता डीएसपी सुवास बुढाथोकीले जानकारी दिए ।

पक्राउ परेका महतोमाथि थप अनुसन्धान भइरहेको उनले बताए ।