बालिकालाई जबरजस्ती करणीको आरोपमा एक जना पक्राउ

• कार्तिक २३, २०७८ | ९०२ पटक पढिएको | सीमा संदेश

सिरहा । बालिकालाई जवरजस्ती करणी गरेको आरोपमा प्रहरी एक जना पक्राउ गरेको छ । सिरहाको कल्याणपुर नगरपालिका वडा नं.- ११ स्थित आँप बगैचामा आइतवार साझ बालिकालाई जबरजस्ती करणी गरको आरोपमा एक जनालाई प्रहरीले पक्राउ गरेको छ ।

धनुषाको कमलामाई नगरपालिका वडा नं. ६ घर भएको वर्ष २० को शेष कुमार महतोले एक जना बालिकालाई करणी गरेको अभियोगमा ईलाका प्रहरी कार्यालय कल्याणपुरले  कल्यणपुर नगरपालिका वडा नं.- ११ स्थित मिलन चौकबाट पक्राउ गरेको हो ।

जिल्ला प्रहरी कार्यालय सिरहाका डि.एस.पी.सुवास बुढाथोकीको अनुसार पक्राउ परेका महतोलाई जबरजस्ती करणी मुद्दामा जिल्ला अदालत सिरहाबाट सातदिनको म्याद थप गरी आवश्यक अनुसंधान भईरहेको बताए ।