बैंकिङ कसुर मुद्दामा साढे ५६ लाख जरिवाना तोकिएका औरहीका यादव पक्राउ

• पुस ९, २०७८ | ६४८ पटक पढिएको | सीमा संदेश

सिरहा । सिरहा प्रहरीले फैसला कार्यान्वयनको सिलसिलामा बैंकिङ कसुर मुद्दामा जेल सजाय र आधा करोड बढी रुपैया जरिवाना तोकिएका एक जनालाई पक्राउ गरेको छ ।

पक्राउ पर्नेमा सिरहाको औरही गाउँपालिका १ का शत्रुधन प्रसाद यादवका छोरा ३० वर्षीय सुरेन्द्र कुमार यादव छन् । उनलाई जिल्ला अदालतले ७ दिन कैद र ५६ लाख ५० हजार ९५१ रुपैयाँ सजाय सुनाएको छ ।

उनीमाथि आवश्यक कारबाही अगाडी बढाएको सिरहा प्रहरीका प्रवक्ता सुवास बुढाथोकीले जानकारी दिए । पक्राउ परेका यादवमाथि कहिले मुद्दा चलेको र अदालतले कहिले फैसला गरी सजाय सुनाएको कुरा प्रहरीले उल्लेख गरेका छैन ।