सिरहाका ३ सहित प्रदेश २ का २० स्थानीय तहले पेश गरेन बजेट

• पुस १४, २०७८ | ९५० पटक पढिएको | सीमा संदेश

सिरहा । प्रदेश २ का २० वटा स्थानीय तहले अहिलेसम्म बजेट पेश गर्न सकेको छैन् ।

संघीय मामिला तथा सामान्य प्रशासन मन्त्रालयले ७ सय ५३ वटा स्थानीय तहमध्ये २१ वटा स्थानीय तहले बजेट पेश नगरेकोमा २० वटा स्थानीय तह प्रदेश २ कै रहेको मन्त्रालयले जनाएको छ ।

प्रदेश २ मा १ सय ३६ वटा स्थानीयत तहमध्ये १ सय १६ वटा स्थानीय तहले मात्र मन्त्रालयमा बजेट पेश गरेको छ ।

बजेट पेश नगर्नेमा सप्तरीको छिन्नमस्ता गाउँपालिका, सिरहाको कल्याणपुर नगरपालिका, औरही गाउँपालिका, नरहा गाउँपालिका रहेको छ ।

त्यस्तै धनुषाको एकमात्र उपमहानगर जनकपुरधाम उपमहानगरपालिकाले समेत बजेट पेश नगरेको संघीय मामिला तथा प्रशासन मन्त्रालयले जनाएको छ ।

त्यस्तै बटेश्वर गाउँपालिका, लक्ष्मीनिया गाउँपालिका, हंसपुर नगरपालिका, धनौजी गाउँपालिका, महोत्तरीको पिपरा गाउँपालिका, सर्लाहीको कौडेना गाउँपालिका, पर्सा गाउँपालिकाले आव २०७८/७९ को बजेट ल्याएको छैन् ।

त्यस्तै रौतहटको गरुढा नगरपालिका, देवाही गोनाही नगरपालिका, फतुवा विजयपुर नगरपालिका, बौधीमाई नगरपालिका, वृन्दावन नगरपालिका, बाराको सिम्रौनगढ नगरपालिका, विश्रामपुर गाउँपालिकाले हालसम्म बजेट पेश नगरको मन्त्रालयले जनाएको छ ।

पर्साको पोखरिया नगरपालिका र धोबीनी गाउँपालिकाले हालसम्म बजेट पेश गरेको छैन् । स्थानीय तहहरुका जनप्रतिनिधिहरुबिचको विवादका कारण स्थानीय तहहरुले बजेट पेश गर्न सकेको छैन् ।