भारतले जित्याे यू–१९ एसिया कपकाे उपाधि

• पुस १६, २०७८ | ७२७ पटक पढिएको | सीमा संदेश

काठमाण्डाै ।  भारतले यू–१९ एसिया कप क्रिकेटकाे उपाधि जितेकाे छ । दुबईमा आज शुक्रवार भएकाे फाइनल खेलमा श्रीलङ्कालाई नाै विकेटले हराउँदै भारतले यू–१९ एसिया कपकाे उपाधि जितेकाे हाे ।

वर्षाले प्रभावित खेलमा भारतीय टाेलीले जितका लागि ३८ ओभरमा एक सय दुई रनकाे लक्ष्य पाएकाे थियाे । भारतका लागि आङ्क्रिश रघुवंशीले ५६ र शैक रशीदले ३१ रन बनाए ।

यसअघि श्रीलङ्काले टस जितेर पहिले ब्याटिङ गर्दै ३८ ओभरमा नाै विकेट गुमाएर एक सय ६ रन बनायाे । तर डकवर्थ लुइस नियमकाे आधारमा भारतले ३८ ओभरमा एक सय दुई रनकाे पाएकाे थियाे । श्रीलङ्काका लागि यसुरु राेड्रिगाेले १९ र रविन डी सिल्भाले १५ रन बनाए । बलिङतर्फ भारतका विक्की वस्तलले तीन र काैशल ताम्बेले दुई विकेट लिए । 

याेसँगै भारत यू–१९ एसिया कपमा आठाैँ पटक विजेता बनेकाे हाे ।