सिरहामा ईटालियन पेस्तोल र ५ राउण्ड गोलीसहित एक जना पक्राउ

• चैत ४, २०७८ | ७७९ पटक पढिएको | सीमा संदेश

सिरहा, ४ चैत ।  धनगढी नगरपालिका–११ आँप चोकबाट एक थान ईटालियन पेस्तोलसहित एक जनालाई प्रहरीले पक्राउ गरेको छ ।

पक्राउ पर्नेमा सोही ठाउँ बस्ने ४२ वर्षीय ब्रमदेव यादव रहेका छन् । उनलाई बिहीबार बिहान प्रहरीले पक्राउ गरेको हो । 

प्रहरीले उनको साथबाट सोही पेस्तोलमा लाग्ने ५ राउण्ड गोली , १ थान BR 32 AB 0449 Made in Italy म्याग्जिन र १ थान मोवाइल सेट समेत बरामद गरेको छ ।

ईलाका प्रहरी कार्यालय धनगढी सिरहाबाट खटिएको प्रहरीले जाँच गर्ने क्रममा यादवको साथबाट उक्त हतियार फेला पारी पक्राउ गरेको हो ।