सप्तरीबाट कटुवा पेस्तोल बरामद, व्यक्ति फरार

• चैत १५, २०७८ | ९८० पटक पढिएको | सीमा संदेश

सप्तरी, चैत १५ गते । सप्तरीबाट सशस्त्र प्रहरीले एक थान कटुवा पेस्तोल बरामद गरेको छ ।

भारतीय सीमासंग जोडिएको जिल्लाको राजगढ गाउंपालिका वडा न.– ६ बाट सशस्त्र प्रहरीले सो पेस्तोल बरामद गरेको हो ।

प्रहरीका अनुसार सोमबार राति करिब ११ बजेतिर उक्त गाउंपालिका वडा न.–६ बर्दाहीमा रहेको आँपको बगैंचाबाट कटुवा पेस्तोल भेटिएको हो ।

भारतबाट चोर बाटो हुँदै लुकिछिपी हतियार ल्याउँदै गरेको गोप्य सूचनाको आधारमा सशस्त्र प्रहरीका टोलीले सो पेस्तोल बरामद गर्न सफल भएको हो ।

पेस्तोल बोक्ने मानिस भने फरार भएका छन् । प्रहरी टोली आएको सुइको पाएपछि हतियार बोक्ने व्यक्ति झोलामा राखिएको पेस्तोल बगैंचामा फालेर फरार भएको अनुमान छ ।

पेस्तोल आवश्यक प्रक्रिया पूरा गरी जिल्ला प्रहरी कार्यालयमा बुझाउने तयारी र फरार व्यक्तिको खोजी कार्य भइरहेको सशस्त्र प्रहरी बल नं. ६ गण हेडक्वाटर सप्तरीले जनाएको छ ।