भारीमात्रामा लागुऔषधसहित २ तस्कर प्रहरीको नियन्त्रणमा,२ फरार

• चैत २०, २०७८ | ७८० पटक पढिएको | सीमा संदेश

सिरहा । सशस्त्र प्रहरीले भारी मात्रामा लागुऔषधसहित २ जनालाई पक्राउ गरेको छ । सशस्त्र प्रहरी बल नेपाल नं.७ गण हे.क्वा.सिरहाका सशस्त्र प्रहरी उपरीक्षक गणपति रमेश कुमार थापाका अनुसार भारतबाट नेपाल ल्याउदै गरेको अवस्थामा सशस्त्र प्रहरीले लागु औषध सहित २ जनालाई नियन्त्रणमा लिएको छ भने २ जना फरार भएको छ ।

भारतीय बजारबाट नेपालको ठाढी नाका हुदै लहान तर्फ लग्दै गरेको अवस्थामा लहान नगरपालिका २३ स्थित तिलवना चौकमा शंकाको आधारमा वि.आर.३२ए.डी.२६१७ भारतीय नम्वर प्लेट मोटरसाईकललाई चेक जाँच गर्ने प्रतिवन्धित लागुऔषध बरामद गरिएको हो ।
छिन्नमस्ता बाहिनी प्रदेश २ बर्दिवास र सशस्त्र प्रहरी बल नेपाल नं.७ गण हे.क्वा.सिरहाबाट खटिएको संयुक्त सबस्त्र प्रहरीको टोलीले सिरहाको लहान नगरपालिका २३ बस्ने ३० वर्षीय अजय सहनी र त्यही ठाँउका २७ वर्षीय शंकर सहनी पक्राउ परेको छ।

उनिहरुको साथबाट प्रतिवन्धित लागुऔषध noophin नफुटेको २९९ एम्पुल,फटेको १ गरि जम्मा ३०० एम्पुल,promethozine hydro chloride inj. नफुटेको २४० एम्पुल,फुटेको ११ गरि जम्मा २५१ एम्पुल,diazepam नफुटेको २८० एम्पुल र फुटेको १८ गरि जम्मा २९८ एम्पुल बरामद गरिएको छ ।

सशस्त्र प्रहरी बल नेपाल नं.७ गण हे.क्वा.सिरहाका सशस्त्र प्रहरी उपरीक्षक गणपति थापाका अनुसार सशस्त्र प्रहरीलाई देख्न साथ पक्राउ परेका दुबै जनाको सगै रहेका लहान नगरपालिका २३ वस्ने रंजित सहनी र भारती नागरिक र अजुर्न कुमार राम फरार भएको छ । फरार भएका दुवैको खोजी कार्य तिव्र गरिएको छ भने पक्राउ परेका दुबै जनालाई नेपाल प्रहरीको जिम्मा लगाई थप अनुसंन्धान थालिएको सशस्त्र प्रहरी उपरीक्षक गणपति थापाले बताएका हुन् ।