दिल्लीद्वारा कोलकाता ४ विकेटले पराजित

• वैशाख १६, २०७९ | ६३१ पटक पढिएको | सीमा संदेश

आईपीएल २०२२ को ४१ औं खेलमा दिल्ली क्यापिटल्सले कोलकाता नाइट राइडर्सलाई ४ विकेटले पराजित गरेको छ । दिल्लीलाई १४७ रनको लक्ष्य दिइएको थियो, जुन टोलीले १८ औं ओभरमा ६ विकेट गुमाएर पुरा गरेको थियो । डेभिड वार्नरले सर्वाधिक ४२ रन बनाए भने डिसीको जित सुनिश्चित गर्न रोभम्यान पावेलले १६ बलमा अविजित ३३ रन बनाए । कोलकाताका लागि उमेश यादवले ३ विकेट लिए ।

दिल्लीको ८ खेलमा यो चौथो जित हो। टोलीले ४ खेलमा पनि हार बेहोरेको छ । उता केकेआरको ९ खेलमा यो छैटौं हार हो । टोलीले पछिल्ला खेलमा लगातार हार बेहोरेको छ । टोलीले अहिलेसम्म ३ खेल मात्र जितेको छ । यसअघि टस हारेर ब्याटिङ गरेको केकेआरले २० ओभरमा ९ विकेट गुमाएर १४६ रन बनाएको थियो । नितिश राणाले सर्वाधिक ५७ रनको इनिङ खेले । योसँगै कप्तान श्रेयस अय्यरले ४२ रन बनाए । डिसीका लागि कुलदीप यादवले ४ र मुस्ताफिजुर रहमानले ३ विकेट लिए ।