छोराको हत्या गरेर फरार रहेका बुवा पक्राउ

• असोज १४, २०७९ | ३९२ पटक पढिएको | सीमा संदेश

काठमाडौं, असोज १४ गते । छोराको हत्या गरी दुई दिनअघि फरार भएका बारबर्दिया नगरपालिका–११, बर्दियाका लौरंगलाल थारु पक्राउ परेका छन् ।

यही असोज १२ गते ४५ वर्षीय लौरंगले आफ्नो २० वर्षीय छोरा विवेकलाई फुटेको बियकारे बोतलले पेटमा प्रहार गरेका थिए । विवेकको सोही दिन अस्पतालमा लैजाने क्रममा मृत्यु भएको थियो ।

सोही दिनदेखि फरार रहेका लौरंगलाई शुक्रवार बिहान साढे १० बजे बर्दियाको गुलरिया नगरपालिका–११ इन्द्रपुर गाउँबाट पक्राउ गरिएको जिल्ला प्रहरी कार्यालय बर्दियाका सूचना अधिकारी हिक्मत बहादुर बोहराले जानकारी दिए ।

यस सम्बन्धमा थप अनुसन्धान भइरहेको प्रहरीले जनाएको छ ।