२५ वर्षीया युवतीको हत्या आरोपमा एकजना पक्राउ

• जेठ १९, २०८० | ४५४ पटक पढिएको | सीमा संदेश

प्रहरीले युवतीको हत्या गरेको आरोपमा झण्डै ८ वर्षपछि एकजनालाई नियन्त्रणमा लिएको छ ।

बिहिबार नेपाल प्रहरी प्रधान कार्यालय केन्द्रीय अनुसन्धान ब्यूरो र इलाका प्रहरी कार्यालय केशरगंज सर्लाहीको संयुक्त टोलीले सर्लाहीको ईश्वरपुर नगरपालिका ८ चौधरी बस्ति बयलवास बस्ने ४० वर्षीय नरेश चौधरीलाई नियन्त्रणमा लिएको हो ।

२०७० साल असोज २९ गते बिहान सिरहाको कर्जन्हा नगरपालिका १० बगाहा खोलाको पुल मुनी तनहुँको पोखरी भन्ज्याङ गा.बि.स. ५ घर भई हाल नवलपरासी आदर्श गा.बि.स. २ बस्ने २५ वर्षीया कल्पना परियार मृत अवस्थामा फेला परेको थियो ।

सोही घटनामा संलग्न चौधरी आफ्नो वडा एरियामा लुकि छिपी बसेको सूचनाको आधारमा खोज तलास गर्ने क्रममा बयलवासबाट पक्राउ गरिएको मधेश प्रदेश प्रहरी कार्यालयले जनाएको छ ।