प्रादेशिक अस्पताल सिरहामा स्वास्थ्यकर्मी अभावका कारण एनेस्थेसिया सेवा प्रभावित

• भदौ ८, २०८० | ८२८ पटक पढिएको | बैधनाथ कुमार यादब

सिरहा, ०८ भाद्र । प्रादेशिक अस्पताल सिरहामा स्वास्थ्यकर्मी अभावका कारण एनेस्थेसिया वाडका सेवा प्रभावित भएको छ ।

एनेस्थेसिया वाडमा रहेको तीन जना स्वास्थ्यकर्मी मध्ये एक जना राज कुमार साहको सरुवा मधेश प्रदेश विज्ञान प्राधिकरणमा भएपछि सेवा प्रभावित भएको हो । 

अस्पतालले २४ घण्टे तीन चरणमा सेवा वितरण गरी तीन स्वास्थ्यकर्मीलाई खटाउँदै आइरहेका थिए । तर एक जनाको सरुवा भएपछि एनोथेसिया सेवा प्रभावकारी रुपमा दिन असहज भईरहेको अस्पताल प्रशासन प्रमुख अशोक कुमार सिँहले जानकारी दिनु भयो । 

स्वास्थ्यकर्मी अभावको कारण अस्पताल प्रशासनलाई गुनासो सुन्नु परिरहेको अवस्था छ । गुणस्तरी सेवा दिन असहज भईरहेकोले मधेश प्रदेश सरकारले उक्त समस्यालाई गम्भिर रुपमा लिई सामाधान दिने विश्वसत रहेको सिँहले बताए ।