सिरहा नगरपालिका नगर स्तरीय फूटबल प्रतियोगिताको उद्घाटन खेलमा रमौल विजयी

• पुस २२, २०८० | ३२० पटक पढिएको | सीमा संदेश

सिरहा, २२ पौष । “नगरको पहिचान युवाको समान र स्थानीय खेलाडी उत्पादन हाम्रो अभियान“ नारा साथ आयोजना गरिएको सिरहा नगरपालिका नगर स्तरीय फूटबल प्रतियोगिताको उद्घटन खेलमा वडा नं. ४ रमौल विजयी भएको छ ।

वडा नं. १६ माडर र रमौल बिच भएको घमासान खेलमा समय अवधि भरी रमौलले खेलको २४ औँ मिनेटमा मात्र एक गोल गरको थियो । माडर उक्त एक फर्काउन नसकेपछि पराजित हुने परेको थियो । विजयीसँगै रमौल क्वार्टर फाइनलमा प्रवेश गरको छ ।

 खेलको म्यान अफ द  म्याच रमौलका ४ नम्बर जर्सिका खेलाडी मो.अशरफ सिद्धिकी भएको छ । 
आज (आइतवार) पहिलो खेल वडा नं. १२ सारस्वर र वडा नं. १४ खिरौना बिच हुने र दोस्रो खेल वेलुका ३ बजे वडा नं. ११ भलुवाही र वडा नं. १९ सन्हैठा बिच हुने सलहेश युवा क्लवको अध्यक्ष राजिप यादबले बताए ।

खेलको उद्घाटन सिरहा नगरपालिका मेयर डा. नवीन कुमार यादबले गर्नु भयो ।