दिलीपपुत्री दिव्या एक्टरबाट डेब्यु गर्दै

• फागुन १८, २०८० | ३३४ पटक पढिएको | सीमा संदेश

अभिनेता दिलीप रायमाझीकी पुत्री दिव्या रायमाझीले पनि नेपाली रजतपटमा डेब्यु गर्ने भएकी छिन्। दिव्याले अभिनेता प्रदीप खड्काको प्रमुख भूमिका रहने फिल्म एक्टरबाट नवनायिकाको रूपमा डेब्यु गर्न लागेकी हुन्।

निर्माणपक्ष र दिव्याको तर्फबाट उनका अभिनेता पिता दिलीप रायमाझी र आमा मञ्जु रायमाझीबीच सो फिल्ममा काम गर्ने सम्झौता भएको हो।

अमेरिकामा अध्ययनरत दिव्याले कथावस्तु र आफ्नो भूमिका मन परेपछि दिव्याले यो फिल्मबाट डेब्यु गर्न लागेकी हुन्। फिल्ममा नायिका आना शर्मा र नायक राजवल्लभ कोइराला पनि मुख्य भूमिकामा रहनेछन्।

अदृत फिल्म्स्को ब्यानरमा राजन भुसालको निर्देशन र थमनकुमार भण्डारीको निर्माणमा बन्ने फिल्मको छायांकन आगामी वैशाख पहिलो साताबाट सुरु हुने जनाइएको छ।